أعلنت الإعلامية والبلوجر أسما شريف منير، ابنة الفنان المصري شريف منير، عن دخولها القفص الذهبي، على شخص من خارج الوسط الفني يدعى أحمد عزمي، وذلك عبر حسابها الرسمي على تطبيق إنستجرام، حيث شاركت جمهورها الخبر بكلمات مؤثرة كشفت من خلالها عن رحلة طويلة من التأمل والمراجعة والاختيار.
ماذا قالت أسما شريف منير عن الزواج
وقالت أسما في منشورها:
“الحمد لله، أنا اتجوزت. وده كان قرار جه بعد فترة طويلة من رحلة عشتها مع نفسي، اتعلمت فيها حاجات كتير، دخلت تجارب، ووصلت لاختيارات مهمة، عرفت فيها أنا مين وبقيت عارفة إيه اللي محتاجاه من الجواز وإيه اللي مهم فعلًا وإيه اللي مش مهم.”
وأضافت:
“فضلت فترة كبيرة بدعي ربنا يعوضني خير عن كل اللي فات، لأني حاولت بكل جهدي أحافظ على نفسي وما أغضبش ربنا، ودعيت كتير جدًا إنه يختار لي مش يخيرني، وكنت متأكدة إنه هيرزقني باللي فيه الخير.”
وتابعت:
“تعاملت في القرار ده بتوكل كامل على ربنا، وكأني بقوله: يارب سهل لي الطريق الصح واختار لي بعينك، أنا نيتي خير، وعايزة حياة محترمة وكريمة فيها تقدير وحب واحترام، وده اللي ربنا بعتهولي.”
واختتمت حديثها قائلة:
“كلمت ربنا كتير، وكنت على يقين إنه هيحقق لي الحاجة دي، خصوصًا بعد ما عديت بمرحلة صعبة نفسيًا، لكن اجتهدت في شغلي، واتكلت على ربنا، وسِبت له القرار بالكامل، والحمد لله جبرني.”
زيجات سابقة:
يُذكر أن أسما شريف منير كانت قد خاضت تجربتي زواج سابقتين، الأولى من والد ابنتها “لارا”، والثانية من الفنان محمود حجازي، والتي انتهت بالانفصال عام 2021 بعد فترة من الارتباط أثارت اهتمام الجمهور، خصوصًا عبر مواقع التواصل الاجتماعي. وقد أكدت في أكثر من مناسبة أنها تعلّمت من تلك التجارب دروسًا مهمة ساعدتها على إعادة تقييم أولوياتها وتحديد ما تبحث عنه في شريك حياتها.
